بمناسبة الاختبارات

هناك ألمين .. 1) ألم المثابرة ، 2) ألم الندم على عدم المثابرة

فأختر -اخي الطالب/اختي الطالبة- أي الألمين يناسبك

وذاكر دروسك .. اول بأول .. تنجح وتصير الاول 🙂 .. ايييه .. سقى الله ايام الدراسة يوم كان اكبر همنا متى تخلص الاختبارات 🙂

بالتوفيق لجميع الاخوات والاخوان في امتحاناتهم

Advertisements

والله بغبسه!

امس رحت للحلاق اللي متعود احلق عنده لكن لقيته زحمة، فقررت اني اروح لحلاق قريب منه مخليه “سبير” وقت الزنقة!! لكن المفاجأه اني لما وصلت للحلاق السبير لقيته تحول بقدرة قادر الى مطعم .. المطعم جديد توه فاتح ومسوي بهرجة وكشافات و عروض بمناسبة الافتتاح، بصراحة المطعم كان شكله مغري فدخلت ابشوف شغل المطعم مو جوع لكن لقافة 🙂 لكن المفاجأة الاكبر اني لقيت نفس الحلاق (الشخص) اللي كان يحلق للناس ويبربس في وجيهم، صار (فلافجي) يصلح فلافل يبربسها ثم يغلفها ثم يعطيها الضحية !

طلعت من المحل و وانا اردد لا شعورياً كلمة الفنان الكويتي خالد العبيد في احد المسلسلات الكويتية القديمة “والله بغبسة .. والله بغبسة” .. الوضع عندنا صاير بغبسة ، حلاق يصير فلافلجي ، و عامل نظافة يصير صيدلي .. وياقلب لاتحزن!