يازين صيف الرياض !

كنت واقف عند احد التموينات انتظر احد الاصحاب يركب معي ، الوقت كان الساعة 2 الظهر ، ودرجة الحرارة كانت فوق 48 بالتأكيد، كنت مشغل المكيف على 4 اعلى شي لو اطفيه 5 ثواني انشويت ، والدعايات السمجة مازالت تردح على اذاعة غصب3 – ام بي سي اف ام ، وفي اخر الدعاية تطلعلي وحدة بصوتها اللي نساني الحر -من ثقالة الدم طبعاً- تقول “يازين صيف الرياض” … اي والله يازينه زيناه والدليل الناس بادية تهج لدرجة ان اخونا صاحب السيارة اللي في الصورة حمل عفش البيت كله يبي الهجة .. الظاهر ان الاخ مهاجر 🙂

Advertisements

18 تعليق

  1. الحر أبد مو طبيعي ،،
    حتى عندنا فـ الإمارات
    الله يرحمنا برحمته بس 🙂
    بس أنا سمعت إن هناك مناطق فـ السعودية جوها حميل مرة !!

  2. اقول تميم أموت وَ أعرف كيف ثبت كل هالعفش ؟
    و ين رايحين على هالعفش ؟ 🙂

  3. ولله حرّ يسلق الاوادم 😦
    الله يكفينا حر الاخره على قولة جدتي

  4. كم عائلة موجودة….هذا عفش البيت كله، صدقي والله يا تميم الأ مهاجر

  5. الله يعينا على حر الرياض .. !!

    رحمتكـ يارب ..

    ما الوم هالرجال والله 🙂

  6. شوف تميم بالرياض الناس تنشوي
    وفي جدة أحنا ننطبخ على بخار سوتيه يعني 🙂

  7. يازين صيف الرياض زيناه

    الا براد والحمد لله وطبيعه وش تبون اكثر من كذا

    صيفنا مع اهلنا احلى(هههههههههههه)

  8. هههههه والله ما ادري الرياض وش فيها شي حلو …
    ودي أحبها بس ما أقدر 🙂
    مافيه مؤهلات …

  9. عابرة
    صحيح ، المنطقة الجنوبية (عسير) منطقة باردة و جميلة ، وهي افضل مكان يفضله المحافظين للسياحة.
    شكرا لك.

    @@@

    Light
    اراهن انه مسافر ون وي ، ومافيه خط رجعه 🙂

    @@@
    غاده
    الله يصبرنا بس عليه
    شكرا لك

    @@

  10. غانم

    مهاجر ، مايبيلها كلام 🙂

    @@@

    dyala
    اي والله ماينلام 🙂

    @@@

    حنان
    عاد جدة والمناطق الساحلية عندنا حر ورطوبة ، حلها عاد
    شكرا لك

    @@

  11. رائد
    طبيعية اسمنتية 🙂
    صيفنا مع اهلنا احلى .. بس مو في الرياض هههههه

    @@@

    منال الزهراني
    من ناحيتي ،، مافيه الا الأهل كمؤهل .. ولا غيره مافيه 🙂

    تحياتي للجميع

  12. ظهر وبالرياض .. عز الله انصهرتوا :d

  13. ياحلاة الرياض بحرّها وحميمها وسمومها ..ياحلاتها !

  14. ايو الله ياحلاة الرياض….والله انها افضل من ذا المناطق السياحية اللي ازعجونا فيها …..قالوا سياحة داخلية….يضحكون علينا ….وفي الاخير مردك للرياض….وين بتروح؟؟؟

  15. يا زين رطوبة الجبيل زيناه 🙂
    تمشي وماتدري هو انت قاعد تتنفس والا قاعد تسبح حدر البحر 🙂

  16. […] ايـــــــــــــه ، الحين اقدر اقول زي دعاية الإم بي سي … يازين صيف الرياض […]

  17. اي والله حالة الحين في الليل حرارة عاليه

    حتى امس واحد يكلمني عندنا في القصيم في السيارة
    واصلة درجة الحرارة 49 !

    الله ينجينا من عذاب النار والقبر =)

    شكراً لك تميم

  18. عن جد شيء مو طبيعي !!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: