وحدة بوحدة !

الاسبوع الماضي كنت في الفيصلية انا واحد الاصدقاء، ذهبنا لمجمع المطاعم وجلسنا على احدى الطاولات، على بعد طاولتين منا كان يجلس شابين احدهم كان معه كوب قهوة والآخر كان معاه “زقاره” .. في الطاولة التي امامهم كان يجلس شاب لوحده “يستمتع” بوجبة الغداء ، لكن يبدو ان رائحة الدخان افسدت عليه متعته .. خصوصا ان المدخن كان يبعد السيجارة عن صاحبه ، فأرتفعت الاصوات بينه وبين المدخن، المدخن رفض بكل صفاقة اطفاء سجارته وقد كان يصيح بين كل جملة وجملة “وش اسويلك؟ .. مافيه لوحات تقول ممنوع التدخين ” والحقيقة انه في كل مكان يدخن الناس بكل صفاقة بوجود لوحات  او بدونها ، وفي بعض الاماكن تجد لوحات “ممنوع التدخين” وتجد طفاية السجائر تحت اللوحة والمدخنين متحلقين حولها.  الشاب صاحب الغداء، اخذها من قاصها وابتعد عنهم .. بعد تقريباً خمس دقائق قام اربعة اشخاص كانوا يجلسون في الطاولة الملاصقة لنا وكأنهم يتعازمون على شيء ما .. “ماتعزم؟” .. “والله؟” .. “قدام” .. نهض الاربعة حاملين معهم مخلفات وجباتهم .. واتجهوا للمدخن وصاحبه.. وضعوا مخلفاتهم على طاولة المدخن وهم يتبسمون .. صاح المدخن ” خير انشاالله؟ شايفين الطاولة زبالة؟| .. رد عليه احد الاربعة بعد ان تلفت يمين ويسار وهو يضع يده على ذقنه ، كأنه يبحث عن شيء .. ثم قال … “امممم ، بس مافيه لوحات تقول ممنوع ترمي مخلفاتك بطاولة اللي جنبك” … ثم انصرفوا وهم يضحكون ضحك هستيري .. انا وصاحبي اعجبنتنا الحركة وصفقنا تصفيق حااار وصفق مععنا بعض الاشخاص .. طبعا ليتكم شفتوا وجه المدخن الذي تحول بقدرة قادر لطماطه مستويه .. عاد لا اعلم هل هو حياء ام رفعة ضغط ولو اني ارشح الاخيرة

🙂

Advertisements

43 تعليق

  1. حلوة ..

    بس اشك انهم ضحكوا .. عشان هالنوع من الناس ماتخاف الله ..
    لو بكيفه قام وقلبها حلبة مصارعة

  2. حقيقة هذا درس إبداعي!!

    لكني أتعجب من عدم وصول الموقف إلى التشابك بالأيدي؟!

    فنحن أصحاب تاريخ همجي أصييييييييييييييييل!!

  3. درس رائع !

  4. درس راااااااااائع
    وبصراحه هذا التصرف يدل على تتطورنا وارتفاع مستوى الوعي والتعامل لدينا
    ياليتني كنتم معكم لأصفق تحية لهؤلاء:)

  5. حلوة الحركة ماتدري يمكن ع الأقل يبطل يدخن في أماكن عامه والله حتى انا أتضايق لمن أكون في مطعم ولا سوق وريحة الدخان قالبه الدنيا أكره نفسي وأشتاق للبيت 🙂

  6. .
    .
    .
    حكماء ما شاء الله عليهم 🙂

  7. حصل لنا موقف انا و زوجتي قبل فترة في استراليا، وصلنا موقف الباص، و كان هناك رجل لا يقل عن السبعين عاما يدخن و عندما وصلنا نظر الينا ومعنا طفلنا في عربته، و اطفأ سيجارته، و قال اسف… نحن مازلنا نحكي هذه الحكاية كلما تاتي سيرة السجاير و التدخين، و ما زلنا بالطبع غير مصدقين

  8. حلللللوة!! 😀

    ينصر دينهم يا شيخ!

  9. يستاهلون أكثر من كذا !
    لو يكون فيه غرامه للمدخنين داخل المجمعات يكون الحال افضل 😀

  10. في البحرين … الي جنبنا .. ممنوع التدخين في المجمعات التجارية كلها و بقانون رسمي.. صحيح أن هناك من يخالف النظام لكن عندما يتم تبليغ رجال أمن المجمع يتم التعامل مع هذه المخالفات بصورة سريعة و جادة.

    لدينا حسب علمي يوجد أمر ملكي بمنع التدخين في المطارات و كثير من المدخنين يقومون بالتدخين في المطارات و لا يكلمهم أحد!.

  11. في مطار الرياض يمنع التدخين ، واول من يخالف القوانين هم الموظفين انفسهم العسكر و موظفي الخطوط وامام العالم ..

    بس الحركة خرافية حبيتها ممكن اطبقها كمان 🙂

  12. فعلا ثبت أن التدخين السلبي ذو أثار ضارة و خصوصا على الأطفال …
    يعطيك العافية …
    http://majedlife.wordpress.com

  13. ياسلام

    بردو كبدي بتصرفهم الواعي

    مجازفه محببه

    وأظن أن التشابك لم يحدث

    لأنهم اربعه مقابل 2

    وقد يكون الأمر أنه اعتبر

    أتمنى ذلك

  14. ..

    والله خطيريييييييييييين

    🙂

    ..

  15. درس رائع جداً 🙂

  16. الاهلاوي
    اللي ضحكوا الاربعة مو المدخن وصاحبه ، اكيد ماراح يضحك لانها فضيحة 🙂
    شكرا

    @@

    فايد العليوي
    ممكن الكثرة تغلب الشجاعة ، البجاحة ؟ 🙂

    @@

    بندر وماشي صح
    اكثر من رائع، وانا بصراحة اعجبتني الفكرة مرة ، قوية ورمزية في نفس الوقت

    @@

  17. مشاعل
    انا متأكد ان الشخص هذا تأدب و ان مابطل تدخين اقلها راح يحترم نفسه ولن يقل ادبه مره ثانية

    @@

    سلطان
    انا اشهد ان صاحب الفكرة حكيم 🙂

    @@

    برنس جيمي
    شوف الاحترام؟ يعني لسا ماقلتوله شيء وهو بادر بالاعتذار؟ هذي الفروض انها تكون اخلاق المسلمين لكن للأسف انعكست الايه 😦

    @@

  18. طلال
    آمين 🙂

    @@

    حنان و احمد و متابعك
    اذا كان رب البيت بالدف ضاربا ً …..
    مشكلتنا حتى لو فرضت القوانين سيتم كسرها بواسطة من يفترض انهم يطبقونه
    ومثل ماقلتوا ، المطارات اول من يكسر القانون فيها هم رجال الامن؟!!

    @@

  19. ماجد
    يقال ان التدخين السلبي ضرره مضاعف !!

    @@@

    الهواوي
    هذولي الشباب اللي تفتخر فيهم ، يبردون الكبد، سرعة بديهة ودروس عملية 🙂
    وفعلا مثل ماقلت ، شاف انه ممكن “يندبغ” هو وخويه فقال نبلع العافيه احسن

    @@

    احمد العلولا و سعودي قيك
    شكرا لكم 🙂

  20. ولو أني متاخر…لكن لازم أقول:

    حلوة الحركة. وإبداع في التعامل. ورقي في التعاطي. وتطور في العقلية الحضارية السعودية
    ومثل ما قال البعض: الحمدلله أنهم 4 فما فكر يمد يده.

    وياررت عندك أيقونات التصفيق لأشارككم بتصفيق حار 🙂

  21. يسناهل اللي جاءه والاخلاق الحسنة لاتحتاج الى لوحات

  22. الصراحة …

    كفو …

  23. كفو …

    بالله اذا عندك رقم هالأربعه ارسله لي … فيه واحد من الشباب عزيز علي وحبيب وجلسته ماتنمل بس عيبه فيه بجاحه زايده … ويدخن في المطاعم واذا قلت له يا وقح طف زقارتك حشرتني وحشرة العالم …. قالي ياخوي مافيه لوحه تمنع !!! يعني طاقه النظام واتباع اللوحات الارشاديه ..

    انا اللي اسويه اني ارفع صوتي شوي واقوله ياخي طف زقارتك … ( طبعاً هنا يلتفتون اللي حولنا ) وبعدها اقوله ياخي اذا مو علشاني علشان هالرجال ..

    🙂

    ووقتها يطفيها وهو صاغر خخخخخ

  24. روووووووووووووووووعه

    موقف راااااااااااااااااااائع

    وحلللللللللللللوة حركة التصفيييييييييق مررررررررررررة

    بصراحة حركة المفروض الكل يسويها لانها قوووووووووووووووية اعجبتني

  25. والله يستاهلوا صفقه ..

    فعلا فكره جهنميه : )

    شكرا لك

  26. حركه جييييييده

  27. حرررركة قوية وجريئة ولها الف معنى …

    فعلاا يستحقون التصفيق وبحرراااااااارة …

    أبدعوا بتوصيل المعلومة للمدخن بطريقة ايجابية ورائعة ..

    يعني هالحين بقايا وجبتهم صارت زبالة وتقرفت منهاا واللي بيدك وش تسميه ؟؟ ليتهم يفكرون بعقل شوي .. وربي ان كراتين الوجبة انظف مليون مره من سيجارتك ..

    بس بصراااحة
    مرره اعجبتني الفكرة خطيييييييييييييييييييييييييييييرة

  28. درس في قمة الروعه ..
    وأجمل التحايا لمن كتب هذا الدرس في كلمات .

    شكرا تميم ..

  29. الصراحة الشباب ما عليهم زوووود

    فكرة إبداعية

  30. هل تعلم أني أصبحت أعتبر منع التدخين في الأماكن العامة مقياس لتحضّر الدول؟

  31. جميل أن يقف أحد بوجهه الخطأ

    تشكر

  32. هههه جميل جداً
    هذه بتلك

  33. مساعد
    شكرا لك

    @@@

    منطق ومزاج
    اعتقد انه سيفكر الف مرة قبل ان يقل ادبه مرة اخرى ،
    تحياتي

    @@@
    مروان
    هو كذلك ، والكلام على التطبيق لا على سن القوانين ثم اهمالها
    شكرا لك

  34. علي التميمي
    هو درس مبدعين 🙂
    شكرا لك

    @@@

    عبدالعزيز القاضي
    شكرا لك ايضا 🙂

    @@@
    الجاذبية
    اصلا لو يفكرون بعقل ما دخنوا من الاساس
    تحياتي

  35. عبدالعزيز الشتوي، مضيعة بيتهم، إسراء، المهند
    شكرا لكم

    @@@
    ابراهيم القحطاني
    ياكثرهم اللي مثل خويك ، وفيه بعضهم ماينحرج حتى لو سويت معه الف حركة احراج 🙂

    @@@

    الاسمري
    هذا الكلام، المفروض يحترم الناس بدون لوحات

    @@@

    باغي الشهادة
    هو اكيد ان كثرتهم خلته مايفكر يمد ايده 🙂
    تحياتي لك

  36. قد يكون لها أثر أيجابي
    وتأثر ع المدخن بالخير 🙂
    لا نعلم

  37. جميل المووووووقف جداً جداً…
    أنا مريت بأسوأ منه .. كنت مع سيدة لبنانية مدخنة ونحكي عن تفاصيل عمل أريده منها ومعي أخي الصغير واسمه “تميم” بالمناسبة .. المهم أن أخي رأى علبة ماء بمكتب اللبنانية فقال : أريد مـاء !
    السيدة بكل صفاقة أرادت أن تسكب له من الماء الذي كانت قبل دقيقة تشرب من فيها منه .. مدخنة وتتنفسين في مـاء وتريدين أن تسكبي لطفل منه؟
    😐
    موقفي كان موارب جداً ، قلت لها سأشتري له لاحقاً ودعي الماء لك .

  38. ولو اني متأخر
    بس والله ونعم هالاربعة ،، رجال وابناء رجال
    ياخوي فقعوا تسبودنا هالمدخنين وخاااااااااااااصة السعوديين ..
    في كل حدة وزاوية تحصله يدخن ..
    مايفقع قلبي إلا اذا دخن بالمطعم ،، طيب انا جاي عشان استمتع بالاكل مو عشان ابلع ..
    ياخي اذا انت اناني وماتبي تنعم بالحياة ، ترا غيرك وده ياكل زين ويشم هواء زين..

    والله ياكثر ماينرفع ضغطي في مثل هالمواقف ..
    ويعلم الله لو ضيف عندي بالبيت طلع سقارته ، لأطرده مع الباب ،،
    اذا هو ما احترمني فأنا أولي بعدم الاحترام ..

    طولت عليكم
    لكن ذكرتوني بقصة واحد من الاخوان شغال بشركة في الرياض المهم الرجال المكتب اللي هو فيه ربعه يدخنون ، حاول معاهم يوم بعد يوم ، بالاحترام وبالكلمة الطيبة وصارت حتى بالكملة الوسخة ،، كل الاساليب مانفعت ،، المهم قال انا اعرف كيف اراويكم ..
    يوم من الايام جا الدوام ومعاه كيس ومقفله صح ..
    لحظة بدؤوا يدخنون قام طلع الكيس وفتحه ، طلع اللي بالكيس ( براز بقر ) وانت بالكرامة .. عجت الريحة واخترب جو المكتب ،، قال اذا انتم مستمتعين بريحة الدخان فأنا استمتع بريحة اللي بالكيس .. هههههههه
    وبعدها والله ولا واحد صار يدخن بالمكتب ..

    عموما من أمن العقوبة اساء الأدب.
    والمعذرة على الاطالة

  39. Toop
    هي اكيد بيكون لها تأثير كبير ، وانشاء الله يكون ايجابي
    شكرا لك

    @
    آلاء
    فعلا فيه ناس ما ادري شلون تفكر
    الله يخليلك اخوك الصغير 🙂

    @
    busalem
    هههههههه والله قوية حركته ، شكله من جد رايك وقاعد يخطط ، لكن من وين جاب اللي في الكيس هههه
    فعلا من امن العقوبة اساء الادب
    شكرا لك

  40. يستاهل ..
    وحركة جريئة منهم!!

    وردود الفعل بالتصفيق تشجع التصرف

  41. ما شاء الله علييهم .. عجبني موقفهـم .. ويستآهل بو رآس اللي يدخن !

    عآفـآك ربي أخوي تميم ، اسجل إعجابي بمدونتك من خلآل جولة قصيرة ومختصرة

  42. ما يحلو التدخين إلا مع جمعة ناس وهي تاكل. يعني لو يمون عليهم كان قلنا ماعليه، بس يستاهل ما جاه.

  43. ما شاء الله بعد تداول القصة بالإيميلات تحولت الآن إلى فيلم سينمائي! 😛

    http://www.shashalak.com/view_video_admin.php?viewkey=e66ca401d5f38b48c89a

    جلست ساعة أدور على هالتدوينة 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: