عطني الشعب السعودي !

في لقاء*حي ومباشر على القناة السعودية الأولى، استضاف المذيع المخضرم سليمان العيسى مجموعة من المثقفين والمهتمين بالشأن السعودي العام. اللقاء كان عبارة عن تحليل و نقد للاوضاع المحلية حيث تطرق الدكتور متروك الفالح الى خطورة غياب مؤسسات المجتمع المدني وضبابية الانظمة المعمول بها في المملكة داعياً إلى سرعة  ارساء قواعد مؤسسات المجتمع المدني والتحول إلى نظام ملكي دستوري لضمان استقرار البلاد على المدى البعيد، فيما انتقد الدكتور عبدالله الحامد وبشدة صرف جزء من المال العام على شكل مخصصات مالية تصرف على بعض فئات المجتمع المترفه، بينما وجه الدكتور محسن العواجي نقداً لاذعاً لوزارة العمل مطالباً بإقالة الدكتور غازي القصيبي لإخفاقه في حل مشكلة البطالة مطالباً في الوقت ذاته بإختيار مسؤولين من ذوي الدماء الشابة ممن يحملون خبرات عملية  و شهادات اكاديمية في تخصصات كفيلة بإيجاد حلول لمشكلة البطالة بدلاً من اختيار مسؤولين استهلكوا وعفى عليهم الزمن ولايملكون اي خبرات في مثل هذا المجال، وفي اثناء هذا الحوار الشيق قطع المذيع هذا الحوار معلناً ورود مكالمة هاتفية من مسؤول كبير،

maj2

صورة المسؤول  🙂


سليمان العيسى: مرحبا “سيادة” المسؤول.

المسؤول: الحقيقة لي ملاحظات على اللي جالسين عندك مثل محسن  وعبدالله ومتروك الفالح واعتقد انهم يتكلمون عن جهل

سليمان العيسى: سم طال عمرك

المسؤول: اقول عطني محسن العواجي

د.محسن العواجي: مرحبا “سيادة” المسؤول

المسؤول: الحين انت يومك تقعد تتكلم عن  وزير العمل ، الرجال مجتهد ، وش دخلك يوم تقول انه اخفق وما اخفق !! اعتقد انكم تتحدثون عن جهل وكلكم تقولون مالاتفقهون ، انا الحين بتفاهم مع الحامد ومتروك لكن انت  .. انت كيف تتكلم يامحسن عن القصيبي ؟وتقول فيه هالكلام؟ رجل مجتهد عمل اكثر منك بمية مرة، رجل بذل جهد لبلده اكثر منك بمليون مرة .. وانتم قاعدين تتكلمون بهالشكل انت وغيرك؟ احترموا انفسكم .. احترموا انفسكم .. وش تقول انت يا محسن بكلامك السيء؟ ….. تحدث ..

د.العواجي: بالنسبة لوزير العمل انا اشوف انه اخذ فرصته وزياده واشوف انه فشل في تحقيق الهدف الاساسي وهو حل مشكلة البطالة، وفيه في البلد كفاءات ممتازة تمتلك خبرات وشهادات متخصصة في مجال الموارد البشرية وسوق العمل

المسؤول: انت تقيم الخبرات والكفاءات انت ووجهك؟ من انت حتى تقيمها ؟ غازي القصيبي وزير ممتاز .. لذلك يجب عليك انك تحترم المواطن السعودي اولاً ( ! )  .. ثانيا انك يجب ان لا تتكلم في شيء انت لاتفقه فيه .. الوزارة قاعدة تشتغل .. وكل شيء “مبرمج” ياخي .. كيف انت تتكلم في .. في الموضوع هذا ! لذلك يجب عليكم التزام الصمت او التكلم عن الحقيقة اللي تناسبني !! .. وهذي لك ولغيرك لا افقع وجهك انت واياه !!

المسؤول: عطني الحامد …

د.عبدالله الحامد: سم ..

المسؤول: انت كيف تتكلم بهالاسلوب وكأنك انت المنقذ؟ ..  احنا سمحنالكم بالنقد ..وسمحنالكم باإتنشاق الهواء  لكن مو بهالشكل الغير طبيعي !!  قاعدين “هنيا” تتمهزلون بكلام غير طبيعي.  وش هالكلام اللي تقوله؟ مخصصات مالية وما مخصصات !! انتم ماتقيمون انفسكم؟ انت ما تقيم نفسك انت والا غيرك ..

د. الحامد : …. !!

المسؤول: عطني متروك الفالح

د.متروك الفالح : سم ..

المسؤول: وش هالكلام اللي تقوله؟ .. مؤسسات وشركات ..  مجتمع مدني ومكي ..وش الكلام الفاضي هذا؟ احنا قاعدين نشتغل ليل ونهار وانتم قاعدين “تبربرون” هنا؟ ياخي اذا البيبسي وفرناه لكم .. وش تبون بعد!! هذا مرفوض ثم مرفوض ثم مرفوض ثم مرفوض .. عليكم الالتزام بالاخلاق السعودية .. لا اريد تكرار مثل هذا الحكي .. تبي تنقد اهلا وسهلا ..ماتبي تنقد اترك الكلام الفاضي

د. متروك : حنا جالسين ننقد يا “سيادة” المسؤول

المسؤول: لا لا هذا مو نقد .. انت تتحدث عن دولة يا إبني .. انتم خذيتوا مجال اكثر من اللازم

د. متروك : وش المجال اللي اخذناه؟ (ياحسرة)

المسؤول: اقول عاد .. انا تحملتكم بمافيه الكفاية .. عليكم بضبط النفس .. عليكم بالأدب .. وعليكم بحسن الاخلاق .. واذا ماتربيتوا انا اربيكم

د. متروك : لا لا حنا متربين و نعرف حدودنا

المسؤول: طيب تعرفون حدودكم ؟.. اجل لا تتكلمون عن مخصصات مالية .. الواسطة ماهي عندنا يامسلم ..

د. متروك : الواسطة؟؟ …

المسؤول: طوط طوط طوط …….

سليمان العيسى: طيب عطني  الشعب السعودي: اسمعوا الكلام زين .. مثل ماقالكم “سيادته” .. عليكم بالأخلاق السعودية .. وعليكم بالسعودة .. لأنكم احسن ناس .. وإسألوا برهوم 🙂

____________________________

* لقاء خيالي بإسقاط سياسي محلي من وحي اللقاء الرياضي الشهير

Advertisements

43 تعليق

  1. ههههههههههههههههههههههه
    يارجال الله لا يفشلنا ..

    ما اقول إلا الله يرحمك يالفهد.

  2. (وهذي لك ولغيرك لا افقع وجهك انت واياه !!)
    هههههههههههههههههههههههههههههههههههههههه
    هذه جملة فطستني من الضحك

    تسلم على هذه التدوينة الرائعه
    تحياتي

  3. تصدق إني دخلت جو مع المشهد!!

    ولا انتبهت إلا بصكة التلفون طوط طوط

  4. اول ماقريت استضافة متروك الفالح .. قلت وش عندهااااااا القناة الأولى تي تحسن الصوره يعني؟

    وبعدين يوم شفت اسم الحامد … قلت أفااااا ياتميم بدينا نفقش على بعض هههههه

    صدقني لو اني وزير ياتميم … وبعد ما صار في اللقاء الشهير … لامسح بأي واحد ينتقدني الأرض … وعلى الهواء مباشره وفي الجرايد وفي كل ومحل … واذا احد كلمني بقوله … انا اقتدي بسمو الامير واخلاقي سعوديه …

    وسلم لي على شعبنا السعودي

    قريت مقال ” الحمد لله اني كويتي ” ؟

  5. رب كلمة قالت لصاحبها دعني ..

    والله ما تسوى عليه السالفة .. مابقى آدمي في الدنيا الا واستهبل عليه وعلى كلامه .. 🙂

  6. 🙂

    حلوة ..

  7. واااااااااااااااو .. روعه روعه
    🙂

  8. أول شي سلم لي على المسؤول الكوول اللي حاذف الشماغ والعقال وطالع بشعره فري 😛

    بعدين التدوينة هذي أثبتت انك شفت المقطع مالا يقل عن عشرطعش مرة .. ماشاء الله عليك صمّيتها صم 🙂

  9. مقال فضيع هههههههههههههههه

    اكثر شي عجبني .. صورة المسئول .. يا حبهم للترزز :d

  10. هههههههههههههه
    وش ذا الحكي يا مسلم <– من باب الاخلاق السعوديه 😀

  11. الله يرج عدوك يا تميم ..

    مو صاحي .. من جد مو صاحي !

  12. , والله مت من الضحك بالبداية صدقت بس بعد إتصال المسؤول ههههههههههههههههههههههههه

    أخ هذا هو الحال

  13. الصراحة شدني اسمك “تميم” لقرائة المدونة…

    مدونة رائعة واسم اروع (من اكبر القبائل العربية)

    بالتوفيق لك.. والله يفرجها على اخوانا السعوديين

  14. ما تسوى عليه ياحرام ..هزئ اثنين واستهزأ به شعب كامل
    يقولون نواف بن محمد مسوي حركة بعد عاد مدري وشي ولاأعرف من يكون نواف بن محمد بس نمدكم بإسم للسيناريو الجديد

  15. ابدااااااااااااااااااااااع
    ههههههههههههههه

  16. عليكم بالصمت

  17. هههههههههههههههه

    تنفع ممثل مسرحي 😀

    ((
    اخي اذا البيبسي وفرناه لكم .. وش تبون بعد!!
    ))

    لا تخلو المسؤول يعصب ترى بعدين يرتفع سعر البيبسي

  18. رهيب ههههه

    طلال: اتوقع سلطان كتب التدوينة مع تميم

  19. ( أو التكلم عن الحقيقة الي تناسبني )
    هههههههههههه مب صاحي يا تميم 😀 ،،

    وعالبركة الستايل الجديد ،،

  20. هههههههههههه

    حسبي الله على شياطينك

    أصلا يوم قلت سليمان العيسى دريت إن السالفة من جنبها .. خصوصاً إنه انقطع من عقب سوالفه في برنامج ” مع الناس 🙂 ”

    حلللللوة …

  21. ..

    ههههههههههههههههه

    هذا اللي يسمونه تحشيش ؟؟

    رااااااااااائع رائع بجد 🙂

    ..

  22. حلللوة، بل رائعة…

  23. بصراحة … يعطيك العافية
    تصلح تصير كاتب سينيمائى بهذي الكتابة
    ننتظر منك أكثر
    تحياتي

  24. حلوه..ماتعه…شكل المواهب التدوينيه بتنفجر باسم الاخلاق السعودية..

  25. أظن أن الاحلام والتخيلات ربما تصبح ذات يوم حقيقة

  26. هههههههههههه
    والله كل شي جايز ..

  27. @ busalem
    ههه احنا تفشلنا وخلصنا 🙂
    شكرا لك

    @ ياسر الغسلان
    الله يسلمك 🙂
    تحياتي

    @ فايد العليوي
    ههههههه
    لازم تخش جو .. اكشن 🙂
    تحياتي

  28. @ ابراهيم القحطاني
    ههههه حلوة بدينا نفقش على بعض ههه
    الا سلملي على الاخلاق السعودية ، ومقال الكاتب الكويتي قريته ، ومع انه يقهر لكن هو ماقال الا الحقيقة
    تحياتي لك

    @مسفر
    هذي ضريبة الاخلاق السعودية 🙂
    شكرا لك

    @ بندر
    الله يحلي ايامك 🙂

  29. @عبدالرحمن حركاتي
    شكرا لك عزيزي 🙂

    @ طلال
    بالنسبة للصورة .. هو مسؤول Under cover هههه عشان كذا متنكر
    وبالنسبة للمقطع ..على الرغم من ان اهتماماتي الرياضية متدنية جدا، لكن كل مارحت مجلس والا استراحة والا جلسة والا اي مكان اسمع المقطع واسمع تعليقات عليه الين حفظته 🙂 لكن بيني وبينك راجعته شوي قبل لا اكتب التدوينة هههههه

    @ lllillili
    اشكرك 🙂

  30. @ العائشة
    ذابحتهم الاخلاق السعودية 🙂

    @ محمد المغلوث
    ولايهون عدوك 🙂
    شكرا عزيزي

    @ Mashael.M
    فعلا هذا اللي ممكن يصير دام الطاسة ضايعة
    شكرا لك

    @ عمرو
    اللهم آمين .. بس اهم شي يلتزموا بالاخلاق السعودية
    شكرا لك

  31. @ آلاء
    الله يستر منهم كلهم
    شكرا لك

    @ ماشي صح
    شكرا لك عزيزي
    🙂

    @ ثامر
    والاخلاق السعودية؟

    @ الإعصار الاحمر
    لا لا .. كلش الا البيبسي .. اسحب كلامي اجل 🙂
    تحياتي

    @

  32. @ عصام الزامل
    لاتفضحنا هههه

    @ عبدالمجيد
    الله يبارك فيك
    🙂

    @ محمد
    سليمان العيسى كان شيء اساسي في التلفزيون السعودي 🙂

    @ احمد العلولا
    وشو حشيشه؟ 🙂
    تحياتي لك

  33. @princejimi
    شكرا لك عزيزي
    🙂

    @ madinahmint
    الله يعافيك، المشكلة ماعندي واسطة 🙂
    شكرا لك

    @ ام رغد
    هذي آثار الاخلاق السعودية اجل ههه
    شكرا لك

    @ alanany
    حياك الله ، معظم الانجازات كانت احلام ، وبعضها كان كوابيس ايضاً 🙂 من يدري …
    شكرا لك

    @ ليلى
    اي والله كل شي جايز
    تحياتي لك
    🙂

  34. جميله جداً التدوينه
    صدقتها في البدايه
    وصدقت ثاني انها ممكن تتكرار ثاني وثالث
    تسلم

  35. أتمنى أن تضع سيناريو آخر يصف حال المطبلين والملمعين لهذا المسؤول الكبير مثلما رآينا من بعض كتابنا الأفاضل في الصحف تلميعاً لصورة صاحب مقولة الأخلاق السعودية،
    أما بالنسبة للكاتب مشاري العدواني لا نلومه على ما كتب فيجب أن لا ننسى أن الشعب الكويتي يتنفس الديمقراطية منذ عشرات السنين، فهو لم يستوعب مثل هذا المشهد المهين لأنه يعلم أن أي فرد من آل صباح لن يجرؤ أن يتعامل بهذا الأسلوب المتعالي والمسف مع شخص يحمل الجنسية الكويتية.

  36. ههههههههههآي
    حلووووه
    تسلم ديآتك (f)

  37. ههههههههههههههههههههههههههههههههههههههههههههههه

    من جد من جد من جد مقال فظيع يا شيخ ..

    أحس حطيت كل شيء مو عاجبك ..

    قصيبي .. ومخصصات مالية ..

    ولا يهون سليمان العيسى ههههههههههههههه

    برافو .. أهنيـــك على الاقتباس السيمتركل حق الأستاذ سمو ملكي ..

    ههههههههههههه

    رهيبه مره ..

    : )

  38. هههههههه شر البلية مايضحك …

    لكن مانقول إلا على قدر أهل العزم تأتي العزائم …

  39. great scenario, but you missed the best part, how come you didn’t say anything about the saudi manners? lovely post, you just made my day…

  40. والله منت بصاحي
    روعه تسلم دياتك والله جبتها ع الجرح فيما يخص القصيبي
    هههه وارفع راسك انت سعودي

  41. والله قرأت التدوينة وأنا ما أدري تتغشمر أم أنها حقيقة مرة أخرى؟ فجلالة سمو عظمة المسؤول مازال مُصِرّ أنه مداخلته الرياضية “درءا للفتنة”
    لكن التعليقات طمئنتني….
    تميم: إبداعاتك كثرت.. كافي P-:

    وكأن مقال الكاتب الكويتي مني الذي أرسلته لمدوني الشرقية؟؟

  42. ههههههههههههه
    ههههههههههههههههههههه
    هههههههههههههههههههههههههههههههه

    خطيييييييييييييييييير البوست بس ناقصة شعار قناة السعودية :d

  43. بصراحه …من احلى ما قرأت بالفتره الاخيره وارفع يدي بتصفيق حاد جدا احتراما لما كتبته اخي الكريم

    من جد اهنيك على الرائعه هذي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: