امس طلعت من الدوام متأخر، كان فيه بعض الشغل لازم ينجز قبل اجازة العيد، اول ماطلعت من المبنى شدني منظر القمر مع شكلين اشبه بالنجمتين، لكنها تلمع بشكل اقوى، منظر غريب وجميل في نفس الوقت، طالع كأنه وجه مبتسم، فقلت وش السالفة؟ وش عندها السماء مبتسمة اليوم؟ 🙂 اتصلت على طول على احد اقرباي المقربين وهو من المهتمين بالنجوم و الانواء والفلك قلت اكيد انه يعرف؟ ردعلي وقلت له “شفت القمر اليوم؟” .. قال لا والله مابعد شفتك!! قلت اقول شوف القمر من جد شكله غريب، طلع برا وانا معه على الخط … قال اف ايش هذا، والله من جد شكل غريب … وشو؟ قلت حتى انت ماعندك سالفة … ثم قلت لايكون نجم سهيل؟ … ضحك علي وقال قصر صوتك لاحد يسمعك ويضحك عليك … اول ماوصلت البيت على طول على النت وبحثت وعرفت وش السالفة … “اقتران القمر والزهرة والمشتري في حالة نادرة” من خلال البحث ظهر لي ان هذي الحالة تتكرر كل 70 عام وبعض الروايات تقول انها تتكرر كل 1000 عام … شفتو الفرق؟ 🙂 اخذت كمرتي والتقطت بعض الصور ونفس الشيء سويته اليوم بعد المغرب ظهر القمر وتحته الزهرة والمشتري بس المنظر كان عادي مو مثل منظر امس .. لكن المشكلة التصوير ماكان بذاك الجودة فجبت لكم صورة احترافية نوعاً ما:
مصدر الصورة: ثعل البرد من منتديات مكشات
Filed under: عام |
دعـونـي أقــــول 
أنا أيضاً لفت انتباهي القمر ولم أفهم التغير .. فقط شعرت به جميلاً فحسب ..
من الرائع وجود مدونة تتحدث عن أمور النجوم .. اليوم في أول الفجر شاهدت منظر غريب أيضاً…
“شهاب” ينطلق من نجمة .. لا أدري هل التعبير صحيح أم لا .. لكن هذا ما أستطيع التعبير به .
كنت اعتقد أني أنا فقط من لفت انتباهه هذا المنظر الذي يأسر الألباب سبحان الله. لأني كل من قلت له على هذا المشهد الخلاب وجعلته يرى الصورة اللي التقطتها على الجوال،يسخر مني ويقول هذه طيارة،والثانية التي في الأعلى نجمة عادية لكن الغريب سكوت وسائل الإعلام عن هذا الحدث النادر وكأن اعلامنا تبرمج على الأخبار التقليدية والباهتة،سأرسل رابط مدونتك لكل من اعرف وخاصة من لم يقتنع بالصورة التي التقطتها,
تحياتي لك
سبحان الله
منظر عجيب وغريب لدنو النجوم للقمر
فعلا منظر جميل شد انتباهي أيضا في طريق عودتي من العمل 🙂
سبحان الله