يازين صيف الرياض !

كنت واقف عند احد التموينات انتظر احد الاصحاب يركب معي ، الوقت كان الساعة 2 الظهر ، ودرجة الحرارة كانت فوق 48 بالتأكيد، كنت مشغل المكيف على 4 اعلى شي لو اطفيه 5 ثواني انشويت ، والدعايات السمجة مازالت تردح على اذاعة غصب3 – ام بي سي اف ام ، وفي اخر الدعاية تطلعلي وحدة بصوتها اللي نساني الحر -من ثقالة الدم طبعاً- تقول “يازين صيف الرياض” … اي والله يازينه زيناه والدليل الناس بادية تهج لدرجة ان اخونا صاحب السيارة اللي في الصورة حمل عفش البيت كله يبي الهجة .. الظاهر ان الاخ مهاجر 🙂